Gənc müəllimlər şəkərli diabetdən əziyyət çəkən uşaqlar və onların valideynləri üçün “Övladım xəstə deyil, fərqlidir!” adlı seminar təşkil ediblər.

Azərbaycanda diabetli uşaqların sayı 10 mindən çoxdur. Bu mövzuya biganə qalmayan Nərmin Allacova və İlahə Mədətova eyniadlı seminara təşkilatçılıq ediblər və valideynlərə müraciət ünvanlayıblar: “Bizim məqsədimiz bu uşaqların həyatını asanlaşdırmaq və valideynlərə dəstək olmaqdır”.

Qeyd edək ki, seminarın dəstəkçisi Azərbaycan Diabet Liqası, Psixoloji Xidmət və Reabilitasiya Mərkəzi, Diabetic Cakes, W_Space mərkəzidir.