Azərbaycan Diabet Liqası Azərbaycan Səhiyyə Nazirliyi tərəfindən 6-10 Avqust 2023-cü il tarixlərində Respublika Endokrin...
Daha çoxMissiyamız
ADL-in missiyası: "Şəkərli diabetlə xəstə olan vətəndaşlarımızın həyat keyfiyyətini yüksəltmək, hüquqlarını müdafiə etmək və əhalinin sağlamlığının mühafizəsində yaxından iştirak etməkdir."
Daha çox →Təşkilat haqqında faylı yükləyin
Haqqımızda
Azərbaycan Diabet Liqası (ADL) 1999-ci ildə bir qrup həkim, pasient və onların yaxınları tərəfindən təşkil edildi və 14.09.2000-ci ildən dövlət qeydiyyatına alınaraq (şəhadətnamə № 1319) ictimai birlik kimi fəaliyyətə başladı.
Azərbaycanda diabetlə bir çox layihələrin və aksiyaların müəllifliyi məhz ADL-ə məxsusdur. Məsələn, Azərbaycanda ilk dəfə olaraq 2000-ci ildə diabetli uşaqlar və gənclər üçün yay düşərgəsi təşkil edildi, ilk dəfə onların iştirakı ilə böyük səhnədə konsert oldu. İlk dəfə “qaynar xətt” telefonla yardım şəbəkəsi yaradıldı, ilk dəfə olaraq 2000-ci ildə Bakıda, Şəkidə və Salyanda 14 noyabr Diabet Günü ictimai xarakter alaraq küçələrdə və parklarda keçirildi, təlimlə bağlı pilot layihələr həyata keçirildi və bir çox başqa layihələr ilk dəfə Azərbaycanda tətbiq edildi.
Тəşkilat yarandığı gündən 3 proqram daxilində (Tibbi proqram | Hüquqi, sosial və humanitar yardım proqramı | Fiziki və psixoloji yardım proqramı) fəaliyyət göstərir. Bu proqramlar çərçivəsində 300-dən çox müxtəlif layihələr, tədbirlər və aksiyalar həyata keçirilib. Qeyd etmək lazımdır ki, ADL İB dövlət strukturlarının fəaliyyətini təkrarlamadan onların gördüyü işlərə dəstək olur.